Arturo Vidal nuk ka asnjë dyshim se kush e meriton Topin e Artë. Ish-mesfushori i Barcelonës e vendos Lionel Messin në vendin e parë, përpara Lamine Yamalit dhe Kylian Mbappés.

Kiliani e arsyeton zgjedhjen e tij me paraqitjet e jashtëzakonshme të Messit në Kupën e Botës, ku ylli argjentinas e udhëhoqi kombëtaren e tij deri në finale, e cila përfundoi me humbjen ndaj Spanjës, shkruan “Goal”, përcjell “Gazeta Express”.

“Topi i Artë? Unë do t’ia jepja Messit për atë që bëri në Kupën e Botës”, deklaroi Vidal, duke shprehur edhe një herë admirimin e tij për ish-bashkëlojtarin.

Ish-futbollisti i Barcelonës, Interit dhe Juventusit theksoi se është jashtëzakonisht e vështirë që një lojtar 39-vjeçar të vazhdojë të bëjë një diferencë kaq të madhe në nivelin më të lartë.

“Që një lojtar 39-vjeçar të bëjë diferencën ashtu siç bëri Leo në Kupën e Botës, është diçka shumë e vështirë. Për mua, diçka e tillë nuk do të ndodhë më kurrë”, u shpreh kiliani.

Vidal, i cili ndau dhomën e zhveshjes me Messin gjatë kohës së tyre te Barcelona, vazhdon ta konsiderojë argjentinasin si pikën më të lartë të futbollit botëror.