Ministri i Shëndetësisë, Arben Vitia, ka njoftuar për një shërbim të ri në repartin e stomatologjisë që do të funksionalizohet në Kosovë.

Vitia tha se shërbimi me “sedacion inhalator” në Klinikën Stomatologjike Universitare do të ndihmojë pacientët me disa probleme.
Postimi:

Për herë të parë shërbimi stomatologjik pediatrik, do të funksionalizohet në vendin tonë.

“Sedacioni inhalator” tek pacienti nuk shkakton analgjezion të plotë, por me të:

⭕lehtësohet përballja me trajtimin

⭕reduktohet frika dhe ankthi gjatë trajtimit

⭕rrit pragun e ngacmueshmërisë së dhimbjes

⭕minimizohen lëvizjet e padëshirushme dhe reagimet ndaj trajtimit stomatologjik 

⭕përmirësohet komunikimi dhe bashkëpunimi i pacientit me mjekun

Fillimit të shërbimit me “sedacion inhalator” i parapriu hartimi i “Udhërrëfyesit Klinik” i punuar nga ekspertët tanë.

Tani Qendra Klinike Stomatologjike Universitare u pajis me aparaturën e veçantë për këtë shërbim.

Shërbimet stomatologjike dhe edukimin parandalues tek fëmijët i kemi prioritet.

⌛Së shpejti me risi jashtëzakonisht të dobishme nga kjo Qendër.