Në fund të javës së kaluar vlera e përgjithshme e kredive të miratuara nga Bankat partnere ka arritur vlerën 50 milionë EUR, ndërsa vlera e garantuar nga Fondi Kosovar për Garanci Kreditore ka arritur në 24.3 milion, shpërndarë ne 1 363 kredi.

“Një rezultat i tillë i përcjellë me efektet pozitive për ndërmarrësinë dhe ekonominë si: qasje në financa, investime të reja, rritje e qarkullimit, mbajtje apo rritje e punësimit, dëshmojnë atributin e Fondit si një hallkë e rëndësishme në zinxhirin e zhvillimit ekonomik”, thuhet në një komunikatë shtypi të Fondit Kosovar për Garanci Kreditore.

Fondi njofton se tashmë ka arritur marrëveshje me pothuaj të gjitha bankat në Kosovë, duke përfshirë Bankën Ekonomike, Bankën Kombëtare Tregtare, Bankën për Biznes, NLB Bank, ProCredit Bank, Raiffaisen Bank dhe TEB Bank.