Studiuesi i Këshillit të Brukselit për Politikën e Demokratizimit, Toby Vogel, thotë se përmbajtja e dialogut Kosovë-Serbi është më e rëndësishme se data e vazhdimit të tij.

“Vazhdimi i dialogut midis Beogradit dhe Prishtinës mund të ndodhë së shpejti. Sidoqoftë, nëse negociatorët takohen brenda një jave, dy ose një muaji – mënyra se si do të fillojnë bisedimet është më e rëndësishme”, tha Vogel për Zërin e Amerikës.

Eksperti i Këshillit joqeveritar për Politikën e Demokratizimit kujton se gjatë procesit negociues pothuajse dhjetëvjeçar, dialogu u zhvillua në nivelin e qeverive për një kohë – ndërsa kryeministra ishin Aleksandar Vuçiq dhe Hashim Thaçi.

“Atëherë ndodhi që ata të dy u bënë presidentë dhe dialogun e morrën personalitete, dhe jo zyrtarë. Unë e konsideroja si problematike, sepse u sugjerua përfshirja e tyre si individë … Sipas mendimit tim, ka shumë kuptim, të paktën nga ana e Kosovës, që dialogu të kthehet në funksionin që nisi – dhe ky është Kryeministri. “Në çfarë mase ka mirëkuptim midis Thaçit dhe Vuçiqit mbi baza personale – Unë nuk do ta dija këtë,” thekson ai.

Ai beson se Shtetet e Bashkuara po tërhiqen në drejtim të gjetjes së një zgjidhjeje të shpejtë, por se dialogu midis Beogradit dhe Prishtinës nuk është një çështje që mund të zgjidhet brenda disa javësh.

Vogel tha gjithashtu se supozon se Presidenti i Serbisë ishte inkurajuar veçanërisht nga Bashkimi Evropian për të ndaluar fushatën e tërheqjes së njohjes së pavarësisë së Kosovës.

“Jam shumë i sigurt që qeveritë e vendeve të caktuara biseduan me Presidentin Vuçiq dhe i treguan se nuk është ide e mirë të vazhdohet me këtë përpara vazhdimit të dialogut,” tha ai.