Në të gjithat xhamitë e Kosovës sot u bë thirrje kundër përdorimit të narkotikëve, raporton Ekonomia Online.

Në Xhaminë e Madhe në Prishtinë, në hytbenë e xhumasë u dhanë mesazhe kundër përdorimit të narkotikëve.

 Bashkësia Islame e Kosovës ka mbështetur veprimtarinë e Task-Forcës e cila është themeluar  për këtë qëllim.

Hoxhë Bahri Sejdiu tha se narkotikët dhe alkooli po e shqetësojnë shoqërinë tonë.

“Nuk ka dyshim se feja jonë Islame ka ndaluar dukuritë negative dhe ardhja e Kur’anit ka ardhë pikërisht për ndalimin e këtyre dukurive të cilat dëmtojnë shëndetin tonë. Andaj në këtë hytbe do të flasim për këto dukuritë që po na shqetësojnë shoqërinë tonë, njerëzit tonë më të afërt. Edhe pse  institucionet tona apo Task Forca po mundohen për parandalimin e këtyre dukurive negative ata nuk mund t’ia dalin pa ndihmën tonë. Të gjitha këto vepra të liga që e shoqërojnë shoqërinë tonë si përfundim vjen devijimi dhe dëmtimi i shëndetit të rinisë sonë”, tha hoxhë Sejdiu.

Ai tha se tek rinia nën moshën 30 vjeçare është rritur përdorimi i narkotizimit dhe alkoolit.

“Sipas statistikave tek rinia  nën moshën 30 vjeçare është rritur përdorimi i narkotizimit dhe alkoolit. Prandaj fëmija jonë, i afërmi shkatërrohet edhe në aspektin psikik dhe atë shëndetësor në qoftëse në familjen e ti ndodhet një narkoman. Largimi nga rendi familjar dhe prindërit nuk janë të kujdesshëm për rrezikun e përdorimit të alkoolit dhe lëndëve narkotike atëherë ai fëmijë devijon. Prandaj të përqendrohemi më shumë tek fëmijët tonë që ata mos ta kenë biznes shitjen e narkotikëve. Përveç gjinisë mashkullore ka edhe prej gjinisë femërore që i konsumojnë këto dukuri”, tha ai.

Sipas tij, kjo është pasojë edhe e neglizhencës dhe dobësimit familjarë.

“Andaj tek ata njerëz që kanë një lloj kulture të tillë duhet të largojmë sepse kjo është si pasojë e neglizhencës tonë dhe si dobësim familjar. Këto dukuri duhet të ndërpriten që rinia jonë të jetë e shëndetshme që shteti jonë të jetë i fortë”.

E xhemati po e sheh si veprim të qëlluar këtë ligjëratë. Madje kërkojnë qe tema te tilla te ligjërohen çdo ditë.

Xhafer Jashari xhematli ne Xhaminë e Madhe tha se këto ligjerata duhet të bëhen edhe në ditët e tjera, jo vetëm në ditën e Xhuma, raporton EO.

“Këto ligjerata janë të mirëseardhura sepse në kohët e funidt rinia po vin shumë shpesh në xhami. Me rëndësi është qe ne si xhematlinjë ti përcjellim këto ligjerata edhe në mesin ku jetojmë.Në qoftë se është nevoja këto ligjerata duhet te mbahen edhe ditëve të tjera jo vetëm ditën e Xhuma, sepse rinia ne ditët e sotme është shumë e shfrenuar..Këto ligjerata mund të ndikojnë tek të rinjtë sepse pikërisht ata jan numri më i madh që vinë në Xhami”, tha ai.

Ndwrsa,  xhematliu Aziz Latifi, kërkon nga shteti që të merrë masa për parandalimin e dukuriive negative.

“BIK  e ka obligim fetar dhe kombëtar që  të flasin për këto ligjerata dhe ata gjithmonë e kan bërë këtë punë.Edhe pushteti duhet te marr masa për parandalimin e narkotikve,alkoolit.Shteti nuk po bënë asgjë as për cështje fetare dhe as kombëtare.Duhet të punojmë më shumë sa i përket arsimit dhe rinisë, sepse kemi një rini shumë intelegjente”, tha ai.