Janë zbardhur 5 emrat e parë në listën e “France Football” me 30 kandidatët për “Topin e Artë” që do të kompletohet me 30 futbollistë deri në orën 20:00. De Jong, Aguero, Mane, Tadic dhe Lloris janë 5 të nominuarit e parë. Deri në ora 20:00, do të zbulon të gjithë 30 kandidatët.

Revista prestigjioze franceze “France Football” ka nisur publikimin e listës me të gjithë kandidatët e mundshëm për “Topin e Artë” për vitin 2019, me Lionel Messin dhe Cristiano Ronaldon që do ta vazhdojnë rivalitetin për çmimin më prestigjioz individual për futbollistë, shkruan Express.

France Football do ta zbardhë listën zyrtare me 30 finalistët për “Topin e Artë” gradualisht duke filluar nga ora 17:30 deri në orën 20:00.

Tashmë janë zbardhur 5 emrat e parë në listën e “France Football” që do të kompletohet deri në orën 20:00.

Sadio Mane (Liverpool), Sergio Aguero (Manchester City), Frenkie De Jong (Barcelona), Hugo Lloris (Tottenham) dhe Dusan Tadic (Ajax), janë 5 të nominuarit e parë për Topin e Artë për vitin 2019.

Here are our first nominees for the 2019 #ballondor! ⤵️

Sadio Mané 🇸🇳
Sergio Agüero🇦🇷
Frenkie De Jong 🇳🇱
Hugo Lloris 🇫🇷
Dušan Tadić 🇷🇸 pic.twitter.com/e7STLVAGfR

— Ballon d'Or (@ballondor) October 21, 2019

Ky trofe do t’i ndahet njërit prej 30 finalistëve më 2 dhjetor në Paris, por nuk do të jetë i vetmi çmim që do ta jepet natën e asaj të hëne. Kjo pasi “Topi i Artë” do t’i ndahet edhe futbollistes më të mirë.

Një juri prej 180 finalistëve në gjithë botën do të votojnë sipas këtyre kritereve: paraqitjeve individuale dhe ekipore, klasit të lojtarit (talenti dhe ndershmëria në lojë) dhe aftësia për ta mbajtur lart nivelin e paraqitjeve gjatë gjithë kohës.

Sipas këtyre kritereve, Lionel Messi është favorit për ta fituar “Topin e Artë”, i cili do të ishte i gjashtë dhe rekord në karrierën e tij.

Nëse ndodh kështu, atëherë superylli argjentinas i Barcelonës do ta kalojë rivalin e përbetuar, Cristiano Ronaldon, me të cilin e ndan rekordin me nga pesë “Topa të Artë” të fituar secili deri tani.