Nga raportimet e para mësohet se policia ka sekuestruar një laborator të përpunimit të hashashit, raporton Gazeta Express.

Rreth 350 kg kanabis është zbuluar në vendin ku ndodhej laboratori, ndërsa 5 persona janë vënë në pranga.

I arrestuar është edhe pronari i banesës ku përpunohej droga.

Të arrestuarit janë Gazment Alikaj, Leonora Jaupaj, Flora Jaupaj, Olimbi Jaupaj, Irma Jaupaj.

Mësohet se gratë e arrestuara punonin për llogari të Gazment Alikajt.

Mallakastër
Policia godet një rast të prodhimit dhe shitjes së lëndëve narkotike, arrestohen në flagrancë 5 shtetas

Policia e Fierit ka arrestuar në flagrancë shtetasit:
1.Gazment Allkaj, 24 vjeç
2.L.J., 41 vjeçe
3.F.J., 30 vjeçe
4.O.J., 47 vjeçe
5.I.J., 31 vjeçe.

Arrestimi u bë pas informacioneve operative  se në banesën e shtetasit Allkaj ishte në proces përpunimi një sasi lënde narkotike kanabis.

Në banesën në fshatin Çorush është gjetur dhe sekuestruar në cilësinë e provës materiale rreth 349 kg lëndë narkotike, një pjesë në proces përpunimi.

Materialet proceduriale i kaluan Prokurorisë pranë Gjykatës së Shkallës së parë Fier për veprën  penale “Prodhimi dhe shitja e narkotikëve”.