Sot janë konfirmuar 2 mijë e 110 raste pozitive me COVID-19, shifër kjo më e larta qysh prej fillimit të pandemisë.

Lidhur me këtë ka reaguar deputeti i LDK-së dhe ish-ministri i Shëndetësisë, Armend Zemaj.

Zemaj e ka quajtur Qeverinë Kurti ‘Qeveri e praktikantëve’.

“Rekord i zi! Sot, 2.110 raste të reja me Covid-19 dhe 4 të vdekur. N’dorë t’Zotit! Qeveria e praktikantëve po vazhdon me avazin e vjetër; krejt për pushtet e asgjë për shëndet! U shpreh ngushëllimet më të sinqerta familjarëve për humbjen e më të dashurve të tyre si dhe iu uroj shërim sa më të shpejtë të gjithë të infektuarve. Edhe pse kjo qeveri tashmë ka dështuar e menaxhimi ka degraduar, kurdo që t’iu vijë mundësia e parë ju lutem VAKSINOHUNI. Në të njëjtën kohë, ne të gjithë duhet të vazhdojmë t’i respektojmë rekomandimet e Institutit Kombëtar të Shëndetësisë Publike. Mbani maskat! Respektoni distancën! Mbani higjienën!”, ka shkruar Zemaj.