Ministri i Shëndetësisë, Armend Zemaj, ka vizituar “Shtëpinë e të Moshuarve”, në komunën e Suharekës, e cila po ndërtohet si donacion nga shoqata “Jetimët e Ballkanit”.

Nga aty, Zemaj ka thënë se Coronavirusi po godet secilën grupmoshë, por që më e prekura mbeten të moshuarit.

Zemaj ka premtuar se në bashkëpunim me Komunën e Suharekës, do të kujdesen që t’i sigurojnë staf shëndetësor për këtë Shtëpi të të Moshuarve.

Postimi i plotë i tij:

Covid-19 po godet secilën grupmoshë, por kategoria më e ndjeshme mbetën të moshuarit. Për këtë arsye, sot e vizitova “Shtëpinë e të Moshuarve”, në komunën e Suharekës, e cila po ndërtohet si donacion nga shoqata “Jetimët e Ballkanit”.

Bashkë me kryetarin e shoqatës, Halil Kastrati dhe kryetarin e Komunës së Suharekës, Bali Muharremaj, i pamë nga afër punimet që zhvilloheshin. Si Ministri e Shëndetësisë në bashkëpunim me Komunën e Suharekës, do të kujdesemi që të sigurojmë staf shëndetësor për këtë Shtëpi të të Moshuarve!

Kujdesi ndaj kësaj kategorie të shoqërisë do të jetë i vazhdueshëm dhe i dinjitetshëm!