Presidenti çek Milosh Zeman ka hedhur poshtë akuzat se ai, si kryeministër i qeverisë çeke, i dërgoi avionët bombardues të NATO-s në Beograd dhe Serbi për shkak të Kosovës.

Ai në një intervistë TV Blesk ka thënë se vendi i tij kishte rënë dakord për të bombarduar Jugosllavinë, me kusht që ato të bomba të kishin vetëm objektiva ushtarake.

“Para së gjithash, unë nuk iu kam dërguar bombardues atyre”, u përgjigj Zeman në një pyetje nga një shikues nëse gjatë vizitës së tij në Beograd javën e kaluar, ai u kërkoi falje serbëve për siç u tha “dërgimin e bombarduesve  për t`’i vrarë civilë, shkatërruar infrastrukturën dhe spitalet”, transmeton Klan Kosova.

“Ata u dërguan nga komanda e NATO-s por, në të vërtetë, ajo kishte nevojë për pëlqimin e të gjitha vendeve anëtare. Ne atëherë ishim një anëtar i ri i NATO-s për rreth tre javë. Dhe duke qenë se askush nuk na bashkoi, ne ishim të fundit, po e përsëris të fundit, që kishim kohë që kishim hezituar të jepnim atë votë”.

Zeman theksoi se ” NATO e kishte siguruar Jugosllavinë se ajo do të bombardonte ekskluzivisht caqe ushtarake”.

“Mund të them që ai premtim nuk u përmbush,” i tha Zeman TV Blesk, transmeton Klan Kosova.

Presidenti çek gjatë një vizite që e realizoi së fundmi në Serbi është zotuar se do ta shqyrtojë mundësinë për tërheqjen e njohjes së Kosovës.