Kryetari i Kuvendit të Republikës së Kosovës, Glauk Konjufca, e priti në takim raportuesen për Komisionin e Çështjeve Politike të Asamblesë Parlamentare të Këshillit të Evropës për aplikimin e Kosovës për anëtarësim në Këshillin e Evropës, Dora Bakoyannis, raporton Ekonomia Online.

Në takim, ndër të tjera u bisedua për gjendjen politike në vend, me theks të veçantë në proceset integruese të Kosovës, përfshirë anëtarësimin në Këshillin e Evropës.

Kryeparlamentari Konjufca vlerësoi rëndësinë e anëtarësimit sa më të shpejtë të Kosovës në Këshill të Evropës dhe kërkoi mbështetje nga raportuesja Bakoyannis.

Znj. Bakoyannis e falënderoi kryetarin Konjufca për pritjen, duke shtuar se raporti fakt-mbledhës, të cilin do të hartojë pas qëndrimit në Kosovë, do të shërbejë si bazë për vijimin nëpër procesin e anëtarësimit të Kosovës në Këshillin e Evropës.

Tw enjten ajo është takuar edhe me presidenten Vjosa Osmani dhe kryeministrin Albin Kurti.

LEXONI EDHE:

Kurti pret Bakoyannisin: Anëtarësimi i Kosovës në KE është proces historik