Pesë raste të dhunës në familje janë raportuar në raportin 24 orësh të Policisë së Kosovës.

Një rast ka ndodhur në Prishtinë, ku është arrestuar një person pasi e kishte sulmuar një grua.

“Prishtinë 28.01.2024 – 10:30. Është arrestuar i dyshuari mashkull kosovar pasi i njëjti pas një mosmarrëveshje që kishte pasur me viktimën femër kosovare, e kishte sulmuar fizikisht atë. Viktimës i është ofruar tretmani mjekësor, ndërsa i dyshuari me vendim të prokurorit, është dërguar në mbajtje.”

Rasti tjetër ka ndodhur në Obiliq. Atje policia ka arrestuar një burrë.

“Obiliq 28.01.2024 – 23:05. Është arrestuar i dyshuari kosovar nën dyshimin se i njëjti ka kryer veprën e lartcekur, lidhur me rastin viktima mashkull kosovar për shkak të lëndimeve ka pranuar tretman mjekësor, ndërsa i dyshuari pas intervistimit, me vendim të prokurorit është dërguar në mbajtje.”

Rasti i tretë është raportuar në Deçan, ku një person është arrestuar pasi kishte sulmuar fizikisht viktimën femër kosovare.

“Deçan 28.01.2024 – 16:00. Është arrestuar i dyshuari mashkull kosovar pasi i njëjti kishte sulmuar fizikisht viktimën femër kosovare, të cilës i ka shkaktuar lëndime. Lidhur me rastin viktimës i është ofruar tretmani mjekësor, ndërsa i dyshuari pas intervistimit me vendim të prokurorit është dërguar në mbajtje.”

Dy rastet tjera kanë ndodhur në Gjakovë. Në rastin e parë është arrestuar një burrë që kishte sulmuar fizikisht një grua, ndërsa në rastin tjetër është arrestuar një grua pasi ka keqtrajtuar psiqikisht një burrë.

“Gjakovë 27.01.2024 – 15:00. Është arrestuar i dyshuari mashkull kosovar pasi i njëjti kishte sulmuar fizikisht viktimën femër kosovare. I dyshuari pas intervistimit, me vendim të prokurorit është dërguar në mbajtje.”

“Gjakovë 28.01.2024 – 20:00. Viktima femër kosovare ka raportuar se pas një mosmarrëveshje verbale, është keqtrajtuar psiqikisht nga i dyshuari mashkull kosovar, i cili gjendet në arrati. Rasti është duke u hetuar.”