Kandidati i LDK-së për kryetar të Prishtinës, Përparim Rama në një konferencë për media bashkë me kryetarin e kësaj partie, Lumir Abdixhiku ka thënë se qytetarët me votën e tyre për Prishtinën e dhanë mesazhin e fortë, raporton Ekonomia Online.

 “Sot u vërtetua se projektet e mëdha dhe programi ynë kanë marr jo vetëm mbështetje por edhe legjitimitetin për katër vitet që vinë. Sot qytetarë e Prishtinës dhanë një mesazh të fortë e të qartë ne duam zhvillim, vizon dhe transformim në një qytet metropolitan. Prishtina po transformohet dhe as kush nuk mund ta ndalë. Rruga për me një vizion transformues është rruga e vetme e mirë për të gjithë qytetarët tanë”, ka deklaruar ai para mediave.