Një sërë ligjesh të miratuara nga Kuvendi i Kosovës natën e 5 dhjetorit 2024 janë shfuqizuar nga Gjykata Kushtetuese me vendimin që e publikoi sot dhe vetëm disa mbetën në fuqi.

Këto ligje në Kushtetuese i kishte dërguar për vlerësim të kushtetutshmërisë Partia Demokratike e Kosovës.

Ligjet që mbetën në fuqi:

1. Ligji Nr. 08/L-304 për Bankat
2. Ligji Nr. 07/L-279 për Inspektoratin Qendror të Mbikëqyrjes së Tregut
3. Ligji Nr. 08/L-291 për Gjykatën Administrative

Ligjet që u shfuqizuan:

1. Ligji Nr. 08/L-328 për Shërbimet e Pagesave
2. Ligji Nr. 08/L-326 kundër dukurive negative në sport
3. Ligji Nr. 08/L-333 për ndryshimin dhe plotësimin e Ligjit Nr. 05/L-096 për parandalimin e pastrimit të parave dhe luftimin e financimit të terrorizmit
4. Ligji Nr. 08/L-300 për provimin e maturës shtetërore
5. Ligji Nr. 08/L-315 për Banim Social dhe të Përballueshëm
6. Ligji Nr. 08/L-321 për ndryshimin dhe plotësimin e Ligjit Nr. 06/L-032 për Kontabilitet, Raportim Financiar dhe Auditim
7. Ligji Nr. 08/L-320 për Sigurimin e Detyrueshëm të Kujdesit Shëndetësor
8. Ligji Nr. 08/L-323 për ndryshimin dhe plotësimin e Ligjit Nr. 08/L-168 për Prokurorinë Speciale
9. Ligji Nr. 08/L-325 për Inspektoratin Qendror të Trashëgimisë Kulturore
10. Ligji Nr. 08/L-324 për Financimin e Menaxhimit të Resurseve Ujore
11. Ligji Nr. 08/L-330 për Inspektoratin Qendror të mjedisit, ujërave, natyrës, ndërtimit si dhe mbrojtjen nga rrezatimi dhe siguria bërthamore
12. Ligji Nr. 08/L-334 për Lojërat Mesdhetare