Kryeministri në detyrë, Albin Kurti, ka ndarë fotografi nga pritja e nxënësve që fituan gjashtë medalje të arta, tre të argjendta, shtatë të bronzta, si dhe shtatë vende në kategorinë “Më të mirët e më të mirëve” në Olimpiadën e Shkencave NEO, të mbajtur në Orlando të Shteteve të Bashkuara të Amerikës.

Ai ka theksuar se ky është një bilanc i jashtëzakonshëm i nxënësve të shkëlqyer në garat e matematikës, shkencës, biologjisë, kimisë, kodimit dhe inteligjencës artificiale.