Të paktën nëntë protestues u qëlluan dhe u vranë kur turma shkeli murin e jashtëm të konsullatës amerikane në qytetin pakistanez të Karaçit, pas lajmit për sulmet amerikane dhe izraelite ndaj Iranit që vranë Udhëheqësin Suprem Ajatollah Ali Khamenei.

“Vdekje Izraelit, vdekje Amerikës”, bërtitën protestuesit, shkruan Reuters.

Ndërkohë në Irak, policia qëlloi gaz lotsjellës dhe granata tymuese për të shpërndarë qindra protestues pro-iranianë që ishin mbledhur jashtë Zonës së Gjelbër në kryeqytetin Bagdad, ku ndodhet ambasada amerikane.