Këngëtarja dhe kompozitorja amerikane, Madison Beer, është fejuar me lojtarin e ekipit të Los Angeles Chargers, Justin Herbert.

Çifti njoftoi fejesën e tyre në mediat sociale të martën me foto të propozimit, ku Herbert shfaqet i ulur në një gju duke mbajtur një kuti unaze, ndërsa Beer u ul para tij, duke buzëqeshur.

Postimi i përbashkët kishte mbishkrimin: “njoftohuni me të fejuarin tim”.

Lojtari i NFL-së, 28 vjeç, dhe ylli i muzikës pop, 27 vjeç, u panë publikisht për herë të parë së bashku në gusht të vitit 2025.

Beer u pa duke ndjekur shpesh ndeshjet e Chargers sezonin e kaluar, dhe dyshja është parë shpesh në ndeshjet e Dodgers dhe Lakers në Los Angeles.

Lojtari i skuadrës, i cili nuk ka fituar një unazë kampionati me ekipin, tani kthehet në fushë me një lloj tjetër unaze.