Ushtruesi i detyrës së Drejtorit të Përgjithshëm të Shërbimit Spitalor Klinik dhe Universitar të Kosovës, Valbon Krasniqi, ka apeluar te qytetarët që të mbajnë maskën, të ruajnë distancën dhe të kujdesen për higjienën personale, në mënyrë që të mbrohen nga COVID-19.

Në video-mesazhin e Krasniqit, shihen edhe pamje të dhomave ku po trajtohen pacientët me COVID-19, të cilat duket se kanë kushte të mira.

“Kosova është future në një fazë kritike në përballjen me pandeminë COVID-19. Dhjetëra njerëz po humbin jetën çdo ditë. Institucionet tona po raportojnë për shifra të frikshme të të infektuarve. Spitalet tona janë mbushur me pacientë të prekur nga COVIDI. Stafi shëndetësor po mundohet me kapacitete maksimale të ofrojë shërbim shëndetësore për të gjithë ju, raporton express.

Mos harroni, virusi ekziston, është më pranë sesa që ju mund ta mendoni. Andaj, ju lutem kujdes shumë! Vendoseni maskën, ruajeni distancën, kujdesuni për higjienën e juaj personale. Është kaq e thjeshtë ta mbroni vetën dhe të tjerët”, ka deklaruar Krasniqi