Autoriteti i Aviacionit Civil ka paralajmëruar se gjatë ditëve në vijim do të zhvillohet fushata e vaksinimit të kafshëve të egra kundër tërbimit.

Sipas AAC, kjo fushatë zhvillohet në tërë Ballkanin Perëndimor si pjesë e iniciativës rajonale të kontrollit të kësaj sëmundje, prandaj do të ketë edhe fluturime të aeroplanëve afër zonave kufitare të Kosovës.

“Kjo fushatë e mbështetur nga Bashkimi Evropian, do të zbatohet në procedurë moderne e cila garanton vaksinimin e sigurt të kafshëve të egra, kurse i gjithë procesi i shpërndarjes së vaksinimit do të realizohet përmes ajrit dhe në mënyrë të kontrolluar nëpër të gjitha zonat malore, duke përjashtuar qendrat urbane dhe sipërfaqet ujore”.