Ministri i Punës dhe Mirëqenies Soaciale, Arbana Abrashi, ka treguar se së shpejti do të fillojnë me skema pensionale për pensionin paraplegjik dhe tetraplegjik.

Ai ka theksuar se tani më ka filluar implementimi i dy skemave të reja pensionale, përkatësisht pensionit familjar dhe pensionit invalidor.

“Deri më tani në Ministri janë pranuar më shumë se 400 aplikacione. Për më shumë informacione rreth dokumentacionit ju lutem kontaktoni Zyrat e administratës pensionale në komunat përkatëse. Gjatë ditëve në vijim ju njoftojmë për fillimin e implementimit të një skeme të re pensionale, përkatësisht skemës së pensionit për paraplegjik dhe tetraplegjik”, ka shkruar Abrashi në profilin e tij në facebook.