Mimoza Ahmetaj, ministrja e Integrimeve Evropiane, ka thënë se çështja e liberalizimit të vizave është në dorën e deputetëve të Kuvendit.

Kjo pasi vetëm ata mund ta marrin vendimin për ratifikimit e Demarkacionit, që sipas saj do ta garantonte të drejtën e lëvizjes së lirë të kosovarëve për në Europë, njofton Klan Kosova.

Ahmetaj tutje tha se më gjithë mungesën e liberalizimit të vizave Kosova ka arsye ta festojë Ditën e Evropës, marrë parasysh sukseset në disa sfera të aspektit ndërkombëtarë, siç ka qenë MSA.

Këto komente Ahmetaj i ka bërë në hapjen e ekspozitës me fotografi në sheshin “Adem Jashari” në Skenderaj. Ky aktivitet është bërë në bashkëpunim me Qendrën Rinore në Skenderaj dhe organizatën New Ideals.

Kjo ekspozitë është dashur të mbahej në Paris, por shkaku se ata nuk janë lejuar të udhëtojnë atje, ekspozita është mbajtur në sheshin e Skenderajt.