Aktivistja serbe, Natasha Kandiq, e cila është themeluese e Fondit për të Drejtën Humanitare, ka reaguar për arrestimin e sotëm të Fatmir Shehollit nën dyshimet për spiunazh.

Kandiq ka thënë se arrestimi i Shehollit si “spiun i Serbisë” është “e turpshme.

Në një reagimin në profilin e saj, Kandiq ka thënë se Prokuroria e Kosovës duhet të paraqesë publikisht prova “për dyshime dhe shpifje të tilla të ndyra”.

“Arrestimi i Fatmir Shehollit, drejtor i Institutit për Afirmimin e Marrëdhënieve Ndëretnike në Kosovë, si “spiun serb” është i turpshëm. Prokuroria e Kosovës është e detyruar të paraqesë publikisht prova për dyshime dhe shpifje të tilla të ndyra”, ka shkruar Kandiq.

Hapšenje Fatmira Sheholija, direktora Instituta za afirmaciju međuetničkih odnosa na Kosovu, kao "srpskog špijuna" je sramotno. Tužilaštvo Kosova je dužno da javno iznese dokaze o tako prljavoj sumnji i kleveti.

— Natasa Kandic (@natasakandic) October 9, 2025