Ministria e Kulturës, Rinisë dhe Sportit ka organizuar ceremoninë e ndarjes së çmimeve në fushën e teatrit. Me këtë rast, ministri Hajrulla Çeku ka falënderuar komunitetin teatror, pasi që, sipas tij, ata janë mjeshtër që e bëjnë të mundur teatrin, raporton Ekonomia Online.

“Jam i nderuar që jemi bashkë dhe do të bëjmë ndarjen për teatër 2023. Më lejoni vetëm me një fjalë zyrtarisht t’ju uroj këtë ditë të rëndësishme në emrin tim personal të Ministrisë së Kulturës së Qeverisë së Kosovës. Faleminderit të gjithë që e përbëjnë komunitetin teatror nga ata që na bëjnë të shohim më shpesh aktorët dhe aktoret nga ata që janë krijues, deri te pjesa që na bjen të shohim më pak po janë të rëndësishëm janë mjeshtër që bëjnë të mundur teatrin”.

Çmimi për shfaqjen më të mirë i është ndarë shfaqjes 1984, produksion i Teatrit Kombëtar të Kosovës.

Çmimin për regjin më të mire i është ndarë regjisorit Fadil Hysa, Fausti produksion i Teatrit Kombëtar të Kosovës.

Çmimi për aktorin më të mirë për vitin 2023, Ardian Morina.

Çmimi për prezantim të suksesshëm ndërkombëtar për vitin 2023,  juria vlerësohet se i ka ndarë qendrës Multimedia.

Çmimi kryesor – ai për vepër jetësore i është ndarë aktorit, Muharrem Qena, post-mortem.

Aktori Kushtrim Sheremeti ka thënë se është shumë i lumtur për mënyrën e prodhimit.

“Jemi shumë të lumtur për mënyrën qysh jemi tu prodhu, besoj që do të jetë veq e para në vazhdën e shumimeve”, ka thënë ai.

Në emër të  familjes së aktorit Muharrem Qena ka folur Igballe Qena e cila është shprehur njeriun e përmbush jetesa nga puna nga ai që don, Muharremi ishte i tillë përmbushte nga puna e tij e bënte jo se një ditë do të ja dinte po që nuk deshi ndryshe.

“Njeriun e përmbush familja natyra dashuria e përmbush puna atëherë kur ndjek ëndrrat kur i plotëson ëndrrat e ajo e Muharremit ishte të thotë të vertetën të shporr të ligën dhe të shpërfaq të bukurën. Njeriun e përmbush jetesa nga puna nga ai që don, Muharremi ishte i tillë përmbushte nga puna e tij e bënte jo se një ditë do të ja dinte po që nuk deshi ndryshe. Ne familjarët e tij  qendrojmë sot këtu për të shprehur falënderimin tonë për Muharremin”, ka thënë ajo.