Aktorja kosovare që iu bashkua karvanit artistik nëpër Afrikë

Në një rrugëtim jo fort të zakonshëm, Yllka Lota do ta eksplorojë kontinentin afrikan.

Një aktore e re nga Kosova do t’u ligjërojë për aktrim të rinjve, në kuadër të misionit që mëton të japë mesazhe të paqes, zhvillimit të qëndrueshëm e qytetarisë globale.

Java që shkoi Lotën e ka gjetur në Zimbabve.

Prej atje ka ndarë pjesë të rrëfimit për atë që do të dalë të jetë një prej eksperiencave më të paharrueshme në gjithë jetën e saj.