Kryetari i Komunës së Ferizajt, Agim Aliu ia dha lamtumirën e fundit veprimtares atdhetare Nazire Zogaj.

Aliu tha se kjo lamtumirë e fundit është vetëm e pranisë fizike, por asnjëherë kujtimit e shembullit për të.

“I dhamë lamtumirën e fundit pranisë fizike por asnjëherë kujtimit e shembullit sesi dashuria për atdhe shemb përtokë çdo sfidë, sakrificë e vuajtje, që mishërohet në një emër mes njerëzve, asaj të veprimtares atdhetare, mësueses e nënës shembullore, Nazire Zogaj.

Kraja, vendi ku emri i saj u thirr për herë të parë, pret në tokën stërgjyshore, bijën e saj, për të na lënë neve, pikëllimin e dhembjen por edhe krenarinë që e njohëm e ndamë, një copë jetë bashkë”, ka shkruar Aliu.