Kancelaria gjermane, Angela Merkel, u ka dhënë lamtumirën 2.5 milionë ndjekësve të saj në Facebook pasi që ka vendosur ta mbyllë llogarinë së saj në këtë faqe.

Nëpërmjet një videoje, Merkel ka shpjeguar se arsyeja e mbylljes së llogarisë në Facebook, ka të bëj me faktin se ajo më nuk është udhëheqëse e partisë Bashkimi Kristian Demokrat (CDU), shkruan Euronews.

“Sot është dita ku unë dëshiroj t’ju falënderoj për të gjithë mbështetjen tuaj në faqen time në Facebook”.

“Ju e dini që unë nuk jam më presidente e CDU-së, prandaj tani do ta mbyllë llogarinë time në Facebook”.

“Por unë do të doja që ju të vazhdoni ta ndiqni punën time si kancelare”.