Është arrestuar zyrtari i lartë policor në stacionin e policisë në Veri të Mitrovicës, Rade Basara.

Përpos tij, është arrestuar edhe një person tjetër emri i të cilit nuk është bërë i ditur.

Këto arrestime kanë ndodhur sot gjatë një aksioni special me 100 policë të angazhuar, nga i cili nuk është arritur të arrestohet edhe zyrtari tjetër i lartë  – shef i Operativës, Zhelko Bojiq.

Që të dy, sipas prokurorit special Sylë Hoxha, dyshohen për krim të organizuar, pjesëmarrje në fshehjen e provave dhe veprimtarive tjera që kanë të bëjnë me vrasjen e Oliver Ivanoviq.

Përpos kësaj, Hoxha ka thënë se i gjithë ky aksion është bërë me urdhër të Prokurorisë Speciale përderisa është ekzekutuara nga Gjykata Themelore e Prishtinës, Departamenti i Krimeve të rënda, njofton Klan Kosova.