Pas një muaj hetimesh intensive, hetuesit policorë të Stacionit Policor në Prizren, kanë arritur t’i zbardhin disa raste të vjedhjeve të rënda të cilat patën ndodhur nëpër shtëpi të qytetarëve të Prizrenit, transmeton Ekonomia Online.

Policia e Kosovës përmes një komunikate njofton se sipas hetuesve, ky grup, aktivitetin e vetë e kishte orientuar kryesisht në vjedhjen e stolive të arta, pajisje elektronike si: lap-top; telefona e tjera.

“Tre të dyshuarit janë intervistuar në prani të avokatëve mbrojtës, ndërkaq pas intervistës, me urdhër të prokurorit të shtetit, dy prej tyre ndalën nën masën e arrestit për 48 orë ndërsa i treti, për shkak të moshës (i mitur) ndalët për 24 orë.

Policia po e kërkon edhe të dyshuarin e katërt të cilin nuk e ka gjetur në shtëpi”, thuhet në komunikatë.

Sipas komunikatës, lidhur me këto raste pista e hetimit është drejtuar në kërkimin e stolive të arta dhe gjësendeve tjera të cilat dyshohet se janë tjetërsuar.