Një 21-vjeçar nga fshati Lazarat në Gjirokastër është arrestuar duke transportuar me kamionçinë 6 shtetas nga Siria, të cilët do t’i ndihmonte për të kaluar ilegalisht drejt Greqisë.

Policia thotë se Mato Proko u kap në aksin rrugor të Poliçanit së bashku me sirianët, të cilët po i transportonte kundrejt përfitimit ekonomik.

Shtetasit sirianë janë shoqëruar për në zyrat e Pikës së Kalimit Kufitar Kakavije për t’u marrë në pyetje.