Dy persona janë arrestuar në Kllokot të Gjilanit, dje, pasi gjatë legjitimimit dhe kontrollimit i janë gjetur dhe konfiskuar dy qese të vogla me substancë të dyshuar narkotike të llojit marihuanë, në peshë 5.8 gramë, raporton Policia e Kosovës.

Po ashtu, Policia ka raportuar se pas kontrollit në automjetin me targa vendore i të dyshuarit të parë, me është gjetur dhe konfiskuar një armë –revole e llojit: “Pallabellum”, me një karikator dhe 14 fishekë kal. 9 mm.

Policia bënë të ditur se pas intervistimit me vendim të prokurorit, i dyshuari i parë ndalohet në qendrën e mbajtjes kurse i dyshuari i dytë lirohet.