Policia e Kosovës ka arrestuar një shtetas të Shqipërisë në Kllokot, nën dyshimin se ka dhunuar një vajzë të mitur kosovare, duke e lënë edhe shtatzënë, thuhet në njoftimin e përditshëm policor të hënën.

Arrestimi u bë të dielën, derisa nëna e viktimës njoftoi se vajza ka lindur në spitalin e Gjilanit.

“Rastin e ka raportuar nëna e viktimës pasi që viktima kishte lindur në spitalin e Gjilanit fëmijën jashtëmartesor. Pas intervistimit, me vendim të prokurorit i dyshuari është dërguar ne mbajtje. Rasti është duke u hetuar”, thuhet në njoftimin e Policisë.