Agjencia e Statistikave të Kosovës ka bërë thirrje që të shfrytëzohen edhe disa ditë për regjistrim pasi që sipas tyre kanë mbetur vetëm edhe 7 ditë deri te 17 maj 2024, kur përfundon Regjistrimi i Popullsisë, Ekonomive Familjare dhe Banesave në Kosovë (ReKos 2024).

“Regjistrimi përveç se është obligim qytetar është edhe obligim ligjor. Luteni që ta shfrytëzoni këtë periudhë për t’u regjistruar.

Gjatë ditëve në vazhdim, Regjistruesi duhet t’ju kontaktojë për ta zhvilluar intervistën me Ju.

Nëse nuk jeni kontaktuar deri më tani (nuk keni informatë se kush është regjistruesi/ja në zonën tuaj)  luteni të kontaktoni komunën tuaj ose ASK-në.

Në secilën komunë është ndarë një numër telefoni për kontakt tek:   Regjistrimi i Popullsisë (ReKos) 2024 – Komunikimi me qytetarë, në linkun https://ask.rks-gov.net/ReKos/Announcements . ASK-ja u ka sugjeruar komunave që numrin kontaktues ta bëjnë publik për qytetarë.

Në rast se nuk merr ndonjë përgjigje nga komuna (pas disa tentimeve) qytetarët mund të kontaktojnë Agjencinë e Statistikave të Kosovës (ASK) në:

Email: [email protected]

Tel: (+383) 038 200 31 129

Tel: (+383) 046 500 156 (REKOS2024)

Tel: (+383) 046 500 151  (REKOS2024)