Asociacion i Institucioneve Parashkollore Private njofton se çerdhet hapen të hënën

Prishtinë | 02 Gus 2020 | 14:19 | Nga Ekonomia Online

Pavarësisht se komunat duhet të thonë fjalën përfundimtare, çerdhet kanë lëshuar njoftimet se nga nesër hapen shtëpitë e fëmijëve.

Asociacioni i Institucioneve Parashkollore ka njoftuar se nga e hëna hapen çerdhet për të mos u mbyllur më. Kanë thënë se kanë plotësuar të gjitha kërkesat higjeno-sanitare.

 “Pas vendimit të institucioneve qëndroje shtetërore të Kosovës se përgjegjësia për rihapjen e kopshteve/çerdheve bie mbi institucionet lokale (komunat) si dhe në mungesë të koordinimit të të gjitha komunave që kopshtet të hapen në unison njëjtë, si dhe pas kërkesave të pandërprera nga prindërit, ne si Asociacion i Institucioneve Parashkollore Private duke qenë nën ombrellën e MASHT-it dhe duke qenë të sigurt se gjithnjë që nga fillimi i kemi plotësuar kushtet higjieno-sanitare nën mbikëqyrjen e inspektorateve të AVUK-ut, MASHT-it, DKA-ve kemi vendosur një zëri që: – KOPSHTET/ÇERDHET PRIVATE të RIHAPEN DITËN E HËNË ME 03.08.2020, PËR MOS T’U MBYLLUR MË KURRË”, thuhet në njoftim.

“Gjithnjë duke respektuar protokolin tashmë të implementuar prej datës 01 qershor kur u bë rihapja pas mbylljes dymujore të pandemisë”, shkruan më tej në njoftim.

Fjalë Kryesore:

Të ngjashme