Aktorja e njohur botërore, Sophia Myles, ka njoftuar se babai i saj ka vdekur pas kontraktimit të coronavirusit.

Ylli, 40-vjeç, zbuloi më 14 mars se babai i saj, Peter ishte prekur me COVID-19 ndërsa po luftonte me shëndetin e tij.

Ajo ka qenë duke postuar azhurnime të rregullta në lidhje me Z. Myles, një famullitar në pension i Kishës së Anglisë, dhe ka postuar fotografi të vizitës së saj në spital.

Të shtunën, ajo njoftoi se babai i saj ndërroi jetë.

“U prefsh në paqe Peter Myles. Babai im i dashur vdiq vetëm disa orë më parë. Ishte coronavirusi që më në fund e mori”, ka shkruar në Twitter Sophia.

Disa orë më parë, Myles postoi një fotografi të vetes në shtratin e të atit, me një palë doreza plastike dhe një maskë kirurgjikale të fytyrës.

Biondja gjithashtu postoi një imazh të vjetër të çiftit së bashku me vëllain e saj.

Në vitin 2018, ajo zbuloi se babai i saj ishte diagnostikuar me Parkinson, një gjendje progresive neurologjike.