Ish-bashkëshortja e Shpat Kasapit, Selvije Jao, ka prekur thellë ndjekësit me një postim emocionues me rastin e ditëlindjes së djalit të tyre, Roelit, i cili sot feston 4-vjetorin e lindjes.

Përmes një shkrimi prekës, ajo ka ndarë ndjenjat e saj më të thella, duke uruar të birin në një ditë të veçantë, e cila këtë vit po festohet pa praninë e babait të tij.

Fjalët e saj kanë emocionuar shumëkënd, duke reflektuar dhimbjen, mallin dhe dashurinë e pafundme për të birin.

“Gezuar ditëlindjen jeta ime! Sot mbush 4 vjeç, Roel… E unë do doja të ishte këtu babi yt. Ta shihje me duart plot dhurata, të të merrte në krahë fort e të të përqafonte sikur bota të ndalej aty”, ka shkruar ajo.

Më tej, Selvije Jao ka shprehur dhimbjen për mungesën e Shpatit në këtë ditë të veçantë, duke theksuar njëkohësisht forcën dhe përkushtimin e saj si nënë.

“Sot ti e feston ditëlindjen duke parë fotografinë e tij, dhe unë me dhimbjen që ai nuk arriti të të përqafojë edhe një here. Por biri im, mami është këtu. Për të të dashur dyfish, për të të mbajtur fort”.

“Babi yt të do nga qielli, dhe mami i lutet Zotit të jetë gjithmonë krahu yt. Të dua fort biri im,arsyja që unë frymoj”, përfundoi ajo në postimin emocionues.

Përveç shkrimit, Selvije Jao ka publikuar edhe pamje të vogëlushit Roel, i cili mban në duar një fotografi të babait të tij, Shpat Kasapit, dhe po ashtu momente të ëmbla me të atin.

Këngëtari i njohur Shpat Kasapi ndërroi jetë më 26 nëntor, duke lënë pas djalin e tij dhe familjarët e dashur. Vdekja e tij tronditi komunitetin artistik dhe ngjalli reagime të shumta, duke u pasqyruar gjerësisht edhe në mediat ndërkombëtare.