Gareth Bale siguron që Uellsi dëshiron të fitojë grupin në Euro 2020, duke marrë tri pikë nga takimi kokë më kokë me liderët e Italisë.

Ndeshja e Grupit A zhvillohet sot (e diel) me fillim nga ora 18:00 në Stadio Olimpico të Romës.

Uellsi ka katër pikë, ndërsa Azzurrët tashmë janë kualifikuar tutje me gjashtë pikë, por vendi i parë është akoma në lojë.

“Ne ende kemi mentalitet, duam të përpiqemi të fitojmë grupin, të përpiqemi të fitojmë ndeshjen, kjo është mënyra më e mirë për t’iu qasur kësaj. Ne do të bëjmë gjithçka që mundemi për ta arritur atë”, ka thënë fillimisht Bale për BBC Sport.

“Italia është skuadra me renditjen më të lartë në grupin tonë. Padyshim, të luash në Romë dhe Olimpico është e shkëlqyeshme, por ne duhet ta trajtojmë atë si çdo lojë tjetër dhe të përdorim të njëjtën mendim”.

Uellsi deri më tani ka barazuar me Zvicrën 1-1 dhe ka mposhtur Turqinë 2-0, ndërsa Italia i fitoi të dy ndeshjet me rezultatin e njëjtë 3-0.

“Nëse nuk mund të merrni energji nga ky turne, ju ndoshta nuk duhet të jeni këtu. Ne gjithmonë e tregojmë atë mentalitet dhe vendosmëri, kështu që kjo nuk do të jetë ndryshe”, përfundoi ylli i Uellsit.