Përfaqësuesja U-20 e Kosovës, arriti ta mposht në sekondat e fundit Maqedoninë, me shënimin e Valon Bunjakut, 66:64.

Maqedonasit gjatë pjesës së parë ishin në epërsi prej dhjetë pikëve, derisa me mbrojtje të mirë dhe me sulme efektive, djelmoshat e trajnerit Jeton Nixha, e ulën epërsinë deri në gjashtë pikë dhe e përfunduan pjesën e parë me rezultat 41:35 në disavantazh.

Në pjesën e dytë Kosova nisi furishëm lojën, dhe e dominoi tërë çerekun e tretë ku kaluan në epërsi derisa mbrojta e fortë e Kosovës, bëri që maqedonasit pikët e para të shënonin në tre minuta para përfundimit të çerekut të tretë, kurse rezultati në fund ishte 51:50 për Kosovën.

Në çerekun e fundit tempoja e lojës nuk ishte në nivel të lartë, por krejt në fund të ndeshjes, depërtimi i Bunjakut sjelli fitoren e rëndësishme të Kosovës.

Te Kosova U20, më i miri ishte padyshim Valon Bunjaku i cili realizoi 18 pikë, 8 kërcime dhe 5 asistime, derisa u ndihmua edhe nga Muhamedali Janjeva me 12 pikë të tjera, këta të dy ishin të vetmit me pikë dyshifrore.

Kosova tani është në garë për vend të nëntë në europë.