Biznesmeni dhe politikani kosovar, Behgjet Pacolli, ka publikuar disa fotografi nga festa e organizuar në rezidencën e Donald Trump, me rastin e fitores së zgjedhjeve për president të SHBA-së.

Në foto, Pacolli shihet edhe me miliarderin Elon Musk, i cili përkrahu fushatën e Trumpit dhe dhëndrin e presidentit të rizgjedhur, Jared Kushner, po ashtu, një miliarder.

“Miku i madh i shqiptarëve presidenti Donald Trump rizgjidhet në krye të shtetit më të fuqishëm të botës, në një fitore spektakolare. Ndjenjë e veçantë të isha i ftuar në Mar A Lago në festimin e kësaj fitoreje të madhe”, ka shkruar kreu i AKR-së.