Gazeta më e madhe në Gjermani dhe Europë, “BILD”, ka dalë sot me titullin e madh: “Komandantët luftojnë për ndarjen e Kosovës”, duke i kushtuar kështu një artikull të posaçëm asaj që po ndodh mes Hashim Thaçit dhe homologut serb Aleksandër Vuçiç, për ndarjen e Kosovës.

Në shkrimin e “BILD” trajtohet absurdi, se si ish-komandantë të rëndësishëm të UÇK-së të cilët luftuan kundër ushtrisë së Slobodan Milosheviçit, sot që janë në pushtet kërkojnë që betejën dhe gjakun që u derdh për këtë Kosovë që është sot edhe me investimin ushtarak dhe politik të ShBA-së, BE-së dhe NATO-s, ta kthejnë sërish në pikën zero.