Në pallatin e Rinisë në Prishtinë u organizua turneu për kadetët më të mirë të Kosovës, respektivisht turneu TOP 8, që konsiderohet si turneu më i fortë i vitit, ku lojtarët më të mirë garojnë secili me secilin nga ku edhe dalin rezultatet përfundimtare. E veçanta e TOP 8 turneut për këtë vit ishte pjesëmarrja e të gjithë lojtarëve të ftuar, e kështu edhe gara ishte më sviduese për secilin lojtarë.

Të gjitha ndeshjet janë zhvilluar në frymë sportive, me konkurrecë mjaft të madhe ndërmjet të gjithë lojtarëve, e posaçërisht në xhirot e fundit, ku edhe u përcaktua fituesi për meshkuj dhe femra, e sot pa asnjë humbje dolën Blendi Hajdari dhe Shega Hashani. Përderisa për vendin e dytë tek meshkuj është pritur të jetë Sylejman Çerkini, te femrat befasoi Adea Babuni, vendi i tretë u takoi Rilind Gashit dhe Jerina Rexhepit. 

Rezultatet komplet për të dy kategoritë.

Renditja Kadetet

pozita	Lojtari	Klubi	Fitore	Humbje	Pike
1	Shega Hashani	KPP Ahmet Hoxha	7	0	14
2	Adea Babuni	KPP Vllaznimi	5	2	12
3	Jerina Rexhepi	KPP Ahmet Hoxha	5	2	12
4	Lene Osmani	KPP Elting Dardania	4	3	11
5	Loresa Imeri	KPP Vushtrria	4	3	11
6	Taibe Ruli	KPP Lidhja e Prizrenit	2	5	9
7	Elsa Behluli	KPP Ahmet Hoxha MK	1	6	8
8	Anisa Domaniku	KPP Prishtina Femrat	0	7	7

Renditja Kadetët

pozita	Lojtari	Klubi	Fitore	Humbje	Pike
1	Blend Hajdari	KPP Lidhja e Prizrenit	7	0	14
2	Sylejman Çerkini	KPP Shkolla Ahmet Hoxha	6	1	13
3	Rilind Gashi	KPP Hasan Prishtina	3	4	10
4	Adriatik Maloku	KPP Shkolla Ahmet Hoxha	3	4	10
5	Llukman Beka	KPP Vushtrria	3	4	10
6	Dren Çerkini	KPP Shkolla Ahmet Hoxha	2	5	9
7	Jon Bedra	KPP Vllaznimi	2	5	9
8	Amir Hoxha	KPP Shkolla Ahmet Hoxha	2	5	9

Aktivitetet e ardhshme

Java e ardhshme pritet të jetë e ngjeshur me aktivitetet e FPPK-së, pasi janë paraparë 4 aktivitete të ndryshme.

Fillimisht është paraparë pjesëmarrja e reprezentacionit U16 dhe U18 në ITTF Cirquit në Shkup nga 8 deri 11 tetor.

Me 12 tetor është paraparë TOP 8 për minikadet, si dhe turneu i parë i veteranëve Gani Maloku, e pastaj me 13 tetor janë paraparë të zhvillohen 2 xhirot e radhës në ligën e parë.