“Migrimi mund të jetë “një forcë shpërbërëse për Bashkimin Evropian” për shkak të dallimeve të thella kulturore midis vendeve evropiane dhe paaftësisë së tyre afatgjatë për të arritur një politikë të përbashkët”.

Kështu është shprehur diplomati më i lartë i BE-së, Joseph Borrell për The Guardian.

Megjithëse Rusia do të përpiqet të ndezë flakët e migracionit brenda Evropës, Josep Borrell mohoi se konflikti në Ukrainë po kontribuonte në krizën, të cilën ai e përshkroi si një problem të vjetër dekadash të nxitur nga luftërat dhe varfëria në vendet nga vijnë migrantët.

Duke reflektuar mbi mënyrën se si BE-ja ishte ndryshuar nga lufta dhe se ku përshtatet blloku në këtë rend të ri botëror, ai tha se vendet evropiane ishin detyruar të zgjoheshin nga një pushim për shpenzimet e mbrojtjes, në të cilin ata kishte jetuar nën ombrellën bërthamore amerikane.

Borrell bëri thirrje për bashkëpunim më të madh të mbrojtjes dhe vendime më të shpejta për furnizimin me armë në Ukrainë dhe mbrojti kundërofensivën e lëkundur, duke thënë se vendi ishte një e treta e minuar dhe do të kishte qenë vetëvrasje që Ukraina të kishte ndërmarrë një kundërsulm të plotë frontal.