Ministri i Arsimit, Shkencës dhe Teknologjisë, Shyqiri Bytyqi, ka vizituar shkollën fillore “Ibrahim Banushi” në fshatin Shalë të Lipjanit, në të cilën është takuar me nxënësit që kanë filluar mësimin në klasën e parë, raporton Ekonomia Online.

Ai ka vëzhguar nga afër kushtet në të cilat vijojnë mësimin nxënësit e kësaj shkolle.

Paradite ministri Bytyqi ka mbajtur një konferencë për media, në të cilën ka bërë të ditur se deri më 6 shtator do të përfundojë shpërndarja e librave falas për të gjithë nxënësit e shkollave fillore.