(Poezi nga Marisa Ashiku)

Fshij me qerpik
rrugët e ditës së shkuar,
kalldrëm,
ku rrëshqasin kujtimet e zbardhura
nën dritën e hënës!

dita
lind e përhumbur
në lakuriqësinë e dy zemrave
dhe në dy sy që puthen…

kam nevojë
të t’lexoj botën
e mbërthyer në iris,
nga e majta në të djathtë
e nga e djathta në të majtë
e të ndal gjithçka
… në një çast…

pikërisht atë çast
që pulson në damarët e tu,
e kacavirret
drejt portretit të gjelbërt
të kohës sime…

Korrik 2023