COVID-19 u morën jetën deri tani aq amerikanëve sa mori pandemia e gripit spanjoll 1918-1919 ku vdiqën 675 mijë njerëz.

Si fatkeqësia mbarëbotërore e një shekulli më parë, koronavirusi nuk mund të zhduket kurrë plotësisht nga mesi ynë.

Në vend të kësaj, shkencëtarët shpresojnë që virusi që shkakton COVID-19 të bëhet një grip i butë sezonal pasi imuniteti i njeriut forcohet përmes vaksinimit dhe infeksionit të përsëritur – veçse kjo do të marrë kohë, shkruan AP, transmeton Klankosova.tv.

“Shpresojmë se do të jetë grip kur ftohesh, por nuk ka asnjë garanci,” tha biologu i Universitetit Emory, Rustom Antia, i cili sugjeron një skenar optimist në të cilin kjo mund të ndodhë për disa vjet.

Rritja e rasteve të reja nga varianti “Delta” mund të ketë arritur kulmin, por vdekjet në Shtetet e Bashkuara të Amerikës vazhdojnë të jenë mesatarisht mbi 1,900 viktima në ditë, si niveli më i lartë që nga fillimi i marsit, dhe numri i përgjithshëm i viktimave ka shkuar mbi 674 mijë.

Dimri mund të sjellë një rritje të re, megjithëse do të jetë më pak vdekjeprurëse se viti i kaluar, sipas një projekti.

Projekti i Universitetit të Washingtonit parashikon që 100 mijë amerikanë të tjerë do të vdesin nga COVID-19 deri më 1 janar 2022, gjë që do të sillte numrin e përgjithshëm të viktimave në SHBA në 776 mijë.

Pandemia e gripit spanjoll gjatë viteve 1918-19 la të vdekur rreth 675 mijë amerikanë në një popullsi amerikane sa një e treta e popullësisë që është sot. Ai goditi 50 milionë viktima në nivel global në një kohë kur bota kishte një të katërtën e njerëzve sa tani. Vdekjet globale nga COVID-19 tani qëndrojnë në më shumë se 4.6 milion.

Gripi spanjoll u përhap nga lëvizshmëria e Luftës së Parë Botërore, teksa la të vdekur shumë njerëz që nuk kishin as sëmundje përcjellëse e në atë kohë asnjë vaksinë nuk ekzistonte për ta ngadalësuar këtë grip dhe nuk kishte antibiotikë për të trajtuar infeksionet sekondare bakteriale. Dhe, natyrisht, popullsia e botës ishte shumë më e vogël se sa është sot.