I sapozgjedhuri për deputet të Kuendit të Kosovës nga radhët e Alternativës, Iliri Deda, ka thënë se as subjekti i tij politik nuk do të diskutoj me Ramush Haradinajn, përderisa ky i fundit është pjesë e PAN-it.

Pas takimit me Grupin parlamentar të LDK-së, ku pjesë e takimit ishte edhe AKR-ja, Deda i ka quajtur të pavërteta raportimet e kontrabandimit të deputetëve të koalicionit LAA, raporton Ekonomia Online.

“Ne qëndrojmë së bashku në atë që nuk kemi nevojë të takohemi me përfaqësues të PAN-it, derisa PAN-i ekziston si koalicion. Konkretisht nuk ka arsye të shihemi me z. Haradinaj derisa ai është pjesë e koalicionit PAN”, ka thënë Deda.

“Dua t’iu tregoj që ne jemi unik me qëndrime dhe spekulimet të cilat janë nëpër media për një kohë të gjatë lidhur me kontrabandimin e deputetëve, se janë në koalicionin tonë janë të pavërteta. Asnjë deputet nga koalicioni jonë nuk do të marr vendime jashtë asaj çka do të dakordohemi ne”, ka thënë Deda.