Raportohet se gjatë ditës së djeshme në disa vendbanime të Kosovës janë regjistruar raste të sulmit ndaj grave.

Njëra nga këto ka ndodhur në Podujevë, rreth orës 16.

Viktima femër K-Shqiptare ka raportuar se pas një mosmarrëveshje është sulmuar fizikisht nga bashkëshorti i saj i dyshuari, mashkull K-Shqiptar. Viktima ka pësuar lëndime trupore dhe e njëjta ka pranuar tretman mjekësor. Nuk raportohet për të arrestuar, saktëson raporti.

Po ashtu dje, por në fshatin Zabllaq të Istogut, rreth orës 19:00 është arrestuar një mashkull , i cili pas një mosmarrëveshje ka sulmuar fizikisht bashkëshorten e tij, që të dy shqiptarë e shtetas të Kosovës.

Nuk raportohet për te lënduar, ndërsa me vendim të prokurorit i dyshuari është dërguar në mbajtje.

Raporti i sotshëm i Policisë së Kosovës përmend edhe një sulm tjetër të burrit ndaj gruas, që kishte ndodhur dje në Gjakovë në orën 19:45.

“Është arrestuar i dyshuari mashkull, K-Shqiptar, pasi që i njëjti nën ndikim të alkoolit ka sulmuar fizikisht bashkëshorten dhe vajzën e tij. Bashkëshortja ka pësuar lëndime dhe ajo ka pranuar tretman mjekësor, ndërsa me vendim të prokurorit i dyshuari është dërguar në mbajtje, theksohet në raport.

Në Prizren, dje, në orën 06:27, sipas raportit të sotshëm të Policisë së Kosovës, një femër, K/Shqiptare, ka raportuar se ishte sulmuar seksualisht nga një mashkull K/Shqiptar. I dyshuari është arrestuar dhe pas intervistimit me vendim të prokurorit është dërguar në mbajtje, thuhet në Raport.