Në ditën e parë të Korçës si zonë e gjelbër, qindra qytetarë janë dyndur në parkun “Rinia”.

Ndonëse fundjava i ka mbledhur në kodrat e qytetit për piknik dhe shëtitje familjare, sot qytetarë të grupmoshave të ndryshme kanë parapëlqyer të “pushtojnë” parkun.

Pavarësisht masave të lehtësuara, distancimi social nuk po respektohet nga korçarët çka tregohet qartë edhe nga fotot e mëposhtme, shkruan A2 CNN.

Korça mbetet ende me një rast aktiv që sipas informacioneve është drejt negativizimit. Tashmë janë bërë tri javë që nuk është regjistruar asnjë rast i ri në gjithë qarkun.