Drejtori i Arsimit në Vushtrri, Albanez Tahiraj, sot ka lëshuar një vendim për ndalimin e përdorimit të telefonave në shkolla.

E gjithë kjo si pasojë rasteve të përhapura me lojërat e rrezikshme të rrjetit social “TikTok”, ku nxënësit i praktikonin nëpër shkolla dhe si pësojë u lënduan disa nxënës.

“Ky vendim i kontribuon jashtëzakonisht shumë mirëqenies psikologjike të nxënësve, rrit fokusin e tyre në mësimnxënie, përmirëson sjelljet sociale dhe rrit bashkëpunimin social”, ka shkruar në postimin e tij Tahiraj.

Postimi i plotë:

𝐕𝐞𝐧𝐝𝐢𝐦 𝐩ë𝐫 𝐧𝐝𝐚𝐥𝐢𝐦𝐢𝐧 𝐞 𝐩ë𝐫𝐝𝐨𝐫𝐢𝐦𝐢𝐭 𝐭ë 𝐭𝐞𝐥𝐞𝐟𝐨𝐧𝐚𝐯𝐞 𝐧ë 𝐬𝐡𝐤𝐨𝐥𝐥𝐚
Në kuadër të përpjekjeve të vazhdueshme për të ruajtuar mirëqenien dhe sigurinë e nxënësve tanë, bazuar në kompetencat e DKA-së kemi nxjerrë vendim për ndalimin e përdorimit të telefonave nga nxënësit në shkolla!

Të alarmuar nga rastet e vazhdueshme që shfaqin dhunë, urrejtje dhe lojëra të rrezikshme, vetlëndime në mesin e nxënësve, po e riaktualizojmë ndalimin e përdorimit të telefonave, me theks të veçantë nga nxënësit gjatë procesit mësimorë!
Ky vendim i kontribuon jashtëzakonisht shumë mirëqenies psikologjike të nxënësve, rrit fokusin e tyre në mësimnxënie, përmirëson sjelljet sociale dhe rrit bashkëpunimin social!

Apelojmë tek prindërit dhe të gjithë akterët tjerë që të shtojnë kujdesin për fëmijët e tyre dhe të monitorojnë sjelljet dhe veprimet e fëmijëve!

Mbesim të përkushtuar në monitorimin e zbatimit të këtij vendimi!