Dy persona janë lënduar pas një aksidenti që ka ndodhur në rrugën “Mon Balaj” në Kodrën e Trimave.

Në aksident kanë qenë të përfshira dy automjete.

Rasti ka ndodhur rreth orës 14:30.

Kështu për Klan Kosova ka thënë zëdhënësi i policisë për rajonin e Prishtinës Agron Borovci.

Borovci tha se të lënduar janë dërguar për trajtim mjekësor, derisa shtoi se me rastin po merret njësiti i trafikut.

“Sot rreth orës 14:30, kemi pranuar informatën për një aksident trafiku në rrugën “Mon Balaj” në Prishtinë. Në këtë aksident kanë qenë të përfshira dy automjete. Si pasojë e aksidentit lëndime trupore kanë pësuar dy persona, të cilët janë dërguar për trajtim mjekësor. Me rastin po merret njësiti i trafikut”.