Paris Saint-Germaini e hoqi Kylian Mbappen nga lista për përgatitje parasezonale në Japoni dhe sulmuesi francez me shumë gjasë do të largohet nga skuadra.

Është folur shumë për një kalim të tij te Real Madridi, por Chelsea ka hyrë në garë dhe e ka atë në listë për ta transferuar.

Gara tani është bërë shumë e fortë për të siguruar shërbimet e Mbappes, pasi interesim kishin shprehur edhe Liverpooli e Arsenali.

Kështu kanë shkruar mediat franceze të shtunën.

24-vjeçari e ka edhe një vit në kontratë me PSG-në.

Në edicionin e fundit shënoi 41 gola dhe pati 10-të asistime në 43 paraqitje.

Me Francën shkoi deri në finale të Kupës së Botës, kur u mposht nga Argjentina. Madje shënoi “hat-trick”, por Franca pësoi disfatë në penallti.